رواية نبضات تائهة ج2 الحلقة السابعة عشر بقلمي ياسمين الهجرسي

رفيع.. ومحظوظ اللى بيعرف يمسك زى ما بيقولوا فى شعرة معاويه ويعدى من متاهتهم.. أعرف أمتى تبقى لين وأمتى تشد وتقسى.. حبيبى أدى لنفسك وليها فرصه تانيه.. حبكم محتاج إفاقه وعناية من نوع خاص.. محتاجك قوى عشان تقدر تعدى محنتكم بسلام.. 
صمتت لبرهه تتطلع لملامحه المرهقه لتمسح على وجنتيه بحب أموى مردفه  
ربنا يريح قلبك ياحبيبى..
كان يستمع لها وتنهدات أنفاسه تتسارع داخله تمزق قفصه الصدرى.. اخترق هدوء جلستهم صوت جرس الباب يرن..
استقام زياد وذهب لكي يستكشف من بالخارج وجد قاسم وشغف ابتسم مرحبا قائلا 
قاسم باشا بنفسه مشرفني ودكتوره شغف اتفضلوا وابتعد عن الباب سامح لهم بالدخول.
دالفوا الى الداخل معه جلسوا في غرفه الاستقبال هتف زياد بعد اذنكم هبلغ والدتي أنكم موجودين
رد عليه قاسم اتفضل 
تركه زياد ودلف الى الداخل.
لم يترك قاسم فرصه إلا وتغزل في متيمة روحه دنى منها على غفله وطبع قبله على شفتيها اندهشت من فعلته وهتفت  
قاسم ايه اللى انت عملته ده افرض كان في حد شافنا.. 
اقترب منها أكثر ووضع يده خلف ظهرها يحاوط كتفها ويضمها اليه اكثر قائلا 
وايه المشكله لما حد يشوفنا العالم كله عارف إني مش بس بحبك أنا بعشقك وأنتي النفس اللي أنا بتنفسه..  ابتسمت بسعاده وقبل أن تجيبوا اختطف كرزتيها في قبله اطاحت بعقلها من تصرفه ولذت جماله..
ابتعد عنها عندما سمع صوت أمينه والدة زياد ترحب بهم هاتفه 
نورتونا يا قاسم انت وشغف ليه الغيبه الكبيرة دى.. 
استقامت شغف ترحب بها هاتفه 
معلش يا أمينه انتي عارفه الظروف اللي بنمر بيها كلنا الفتره دي..
هزت أمينه رأسها قائله 
انا عارفه وربنا يعينكم ويصلح لكم الحال يا رب ..
اقترب زياد ومعه كؤوس العصير وضعها على المنضده وجلس معهم وبسط يده يقدم العصير الى قاسم وشغف تناولوا منه بامتنان..
ابتسم قاسم قائلا 
شوف يا وحش إحنا مش جايين عشان نقول لك معلش.. ولا حصل خير.  ولا ربنا يعوض عليك بزوجه احسن منها..  ولا الكلام ده خالص..
جايين نقول لك أن ورده غلبانه..  مرت بظروف وحشه جدا.. وإن اللي حصل لها ده بسبب الظروف النفسيه اللي بتمر بيها.. وعاوزين نعرف أنت متمسك بيها ولا اخترت تريح دماغك وتنسحب..
زم زياد فمه على جانبه الايسر قائلا 
بلاش أنت إللي تقول الكلام ده ياقاسم باشا ..  أنت عارف يعني ايه حب .. أنا بحب ورده وعمري ما كنت أتوقع انها تبعدني عنها بالشكل ده..  ومش هسمح لها إنها تبعد عني أكثر من شهرين ثلاثه تتعافى وترجع لطبيعتها..  أنا عارف الۏجع اللي هي عيشاه وحساه وعمري ما هتخلى عنها..  ما أقدرش أتخيل حياتي من غيرها..  ولا أتخيل نفسي مع واحده تانيه..
ابتسمت شغف له بحنان هاتفه  
انت راجل يا زياد وأنا كنت عارفه ومتوقعه ومرهنه نفسي على كده..  انك مستحيل تستغنى عنها ..
ابتسم لها بضعف قائلا 
عمري ما اقدر اتخلى عنها . رغم انها كسرتني وداست على كرامتى..
ردت عليه والدته وهي تربت على ركبتيه بحنان 
مفيش في الحب كرامه.. ومفيش في الحب ست وراجل بيقفوا قدام بعض ند بند.. في قلبين بيتقفلوا على عشق كبير .. يفضل عايش لحد ما يموتوا .. الحب ده أجمل وأعظم نعمه ربنا رزقنا بيها..  وورده غلبانه وحنينه..  وانا بعتبرها بنتي اللي ما خلفتهاش..
وحولت نظرها الى شغف وقاسم وعمرنا ما نتخلى عنها .. بس هي تهدى وترجع كويسه زي الاول ويرجعوا يتجوزوا تاني .
رفع زياد حاجبه بتحدي قائلا 
يوم طنط شغف ما تقولي لي أن هي خفت..  لازم اعلمها درس ازاي تتمسك بيا وبحبنا .. وتبطل الجنان والتهور والتخبط اللي هي فيه ده..  ورده هتشوف مني أيام عمرها ما تتخيلها..
هز قاسم رأسه قائلا 
عاش يا وحش خد حقك .. كل جنس حواء لما بيتجننوا..  بيحبوا ياخدوا على دماغهم عشان يعقلوا..
هزت شغف رأسها تحدق به تضيق على عينيها بسخريه مردفه 
والله.. ماشى ياباشا لينا بيت يلمنا  ونتحاسب في الموضوع ده بعدين لوحدينا.. 
غمغم مبتسم على حنقها يضمها من كتفيها هاتفا بعشق 
أنتى غير كل جنس حواء أنتى اتخلقتى تكون مميزه فى كل حاجه.. حتى عشقك متاخد من لقبك المرأه الناريه ده لقب متستهونيش بيه خطفتى روحى من اول عينى ما وقعت عليكى..
لا يكف عن اهدائها أعذب الكلمات مهما تخطت سنين عمرهم.. مهما كان المكان والزمان والناس المحيطه بهم..
كان زياد يتطلع لهم بسعاده.. يتمنى أن يعيش هذه الحاله من العشق لتتفهم عليه والدته وتضمه لها تحتضنه بحنان تربت على ظهره هامسه له 
أن شاء الله هتعيش وتفرح وهشوف ولادك كمان.. اصبر أخرت الصبر جبر..
هممت شغف واعتدلت واقفه تدارى على حرجها قائله 
يالا عشان توصلني فيلا السيوفي اطمن على ورده و وفهيمه
انفزع زياد واستقام واقفا  
مالها ورده ياطنط شغف
ردت عليه تطمئنه بهدوء 
وضع طبيعي انها بعد اللي حصل امبارح متبقاش كويسه..  هي قافله على نفسها.. ما بتتكلمش مع حد وأنا عايزه اقعد واتكلم معاها.
رد عليها بترجي قائلا 
ارجوكي خليكي جنبها وخلي بالك منها وما تسيبيهاش لوحدها وطمنيني عليها أول ما تخرجي من عندها ..
ردت عليه وهي تهز راسها وتتقدم نحو الباب قائله 
حاضر ما تقلقش وإن شاء الله هبعت لك رساله اطمنك عليها.
هتفت أمينه ينفع كده يعني أنتم جايين تقعدوا النص ساعه دي..  الزياره دي مش محسوبه..
ردت عليها شغف قائله  
معلش أنا كلها كام ساعه وعندي عمليه مهمه جدا..  ولسه هروح فيلا السيوفي اطمن عليهم ان شاء الله نتجمع كلنا زي زمان .  ونسهر سهره حلوه عندي في الفيلا .. بعد ما الظروف دي كلها تعدي على خير ..
اوصلوهم الى باب الشقه وانصرفا قاسم وشغف وتركوا زياد حزين القلق ينهش قلبه عليها..
استاذن من والدته ودلف الى غرفته يختلي بنفسه يفكر فيما حدث لهم رفعت أمينه يدها تدعو الله ان يصلح لهم الحال.
غرفه الاستقبال 
هبطت كريمه وجلست بجوار الحاجه فردوس هاتفه
اطمني يا ماما فهيمه اخذت علاجها ونامت وشغف زمانها في الطريق وجايه عشان تطمن عليها هي ورده.
استغفرت الحجه فردوس ودعت لهم بصلاح الحال وقبل أن يكملوا حديثهم دلفت الخادمه تخبرهم أن دكتوره شغف قد وصلت .
استقامت كريمه وذهبت ترحب بها بسطت يدها لها تضمها هاتفة 
عامله ايه يا شغف نورتي يا حبيبتي وحشتيني .
ابتعدت عن حضنها هاتفه بحب
انتي كمان وحشتني طمنوني عليكم .
نظرت لها كريمه بأسف 
حالهم يصعب على الكافر .. ادعيلهم وتعالي شوفي ماما فردوس قاعده في الصالون جوه .
سارت معها الي الداخل اقتربت منها وهي تستنشق رائحه القهوه هاتفه
الله عليكي يا ماما أروع فنجان قهوة بشربه من ايدك يا حبيبة قلبي..
وانحنت تطبع قبله علي رأسها وجلست بجوارها تسأل عن حالها 
عامله ايه يا ست الكل..
ردت عليها الحمد لله على كل حال ربنا كبير قادر يصلح الحال من عنده .ابتسمت شغف بتمني هاتفه  
ادعيلهم انتي حضرتك الخير والبركه وإن شاء الله ربنا هيصلح حالهم كلهم..
آمنت كل من الحاجه فردوس وكريمه على دعاء شغف وظلوا