حوار من مسلسل الليل واخره

- ولدك ظابط وجايبه معاك نادي عليه
= أنادي عليه ليه ؟!!
- أحكيله .. هقدمله شكوى ويحقق فيها
= يحقق في إيه ؟!
- في اللي عملته واللي حصل ، مِن ساعة ما قولت لإخواتك قدام عيني اللي لُه حق يمِد يده ويشاور عليه .. نادي عليه أنا راضية بحُكمه
= عايزة تصغريني قدام ولدي إياك ؟!!
- لاااااه .. عايزاك تعرف غلطك 
= أنا مغلطتش يا ام رُحيم 
- يبقى خليك كيف ما انت وخليني بعيد
= وتحرمينا مِنك ليه ؟! وتحرمي نفسك مِن ولادك وخيرهم ! 
- ولادي لما كانوا حواليا ويمدوا يدهم كلهم في معون واحد ، كنت بفرح بيهم ليل ونهار .. أرجع ليه دلوقت واتعــدٰب وكل واحد فيكم مخاصم أخوه 

= عيشي معايا يامَّة 
- عشان كُل ما مِد يدي واكُل لقمة مِن عندك تقف في زوري لما اعرف إن إخواتك ليهم حق فيها !
= مفيش حد ليه حق يامَّة 
- خلاص محدش صٰــربك على يدك وقال هات حقي .. ماتكلمناش 
= لااااه .. إتكلمتي وقولتيلي ربنا مِش هيباركلك واهو ربنا باركلي ، قولتلك مالي حلال قولتيلي لااااه ، لكن ولادي اهو ربنا بارك فيهم عشان اتربوا بعرق أبوهم الحلال .. كلهم واخدين الدكتورهات حتى الظابط ده قولتله لازم ياخُد الدكتوراه 
- اااه .. وجايبه معاك عشان تفرجني عليه ؟!
= جاي اقولك ربنا عادل ماتظلمنيش
- مِن قلبي يا ولدي بدعي ربنا إني مكُنش ظلماك وإنك تكون إنتَّ الصُح ، خاېفة عليك مِن حساب ربنا .. الدنيا متفاتة يا ولدي ومش واخدين مِنها غير عملنا 
= اللي أنا عملته وانتي نستيه ربنا سبحانه وتعالى شاهد عليهم ووكيلي .. مابينسااااش 
- ده اللي بيرجفني يا ولدي ده اللي بيرجفني إن ربنا مابينساش .. بيمهِل لكن مابيهمِلش يا ولدي

 

"الليل وآخره - ٢٠٠٣