راندا_البحيري

#راندا_البحيري كانت في برنامج مع مروه عبد المنعم وكانت بتتكلم في سبب ابتعادها من الساحه وليه مبتشتغلش وكل الكلام ده ،، والناس سابت كل ده ومسكتها في الكومنتات تن#مر و قله ادب علي زياده وزنها ،، ومش عايز اكرر اللي اتقال لانه عيب قوي والله
ولازم الناس تفهم حاجه مش لراندا بس انما لاي حد ،،
العبثيه بتاعه البحث عن الكمال الشكلي بقت هوس عند كتير من الناس يعني لما يبقي حد وزنه زايد او شكله متغير او اصلع او سنانه فيها مشكله تلاقي كميه  تن@مر وقله ادب غير طبيعيه تحت بند اصلنا بننصحه وعايزين مصلحته!؟
وانتااااااا مالك يا بييييه بشكله او بصحته دي حاجه متخصش حد نهائي غير صاحب الشأن سواء مشهور او لأ 

انتا تعرف عنده امړاض ايه؟!
انتا تعرف بياخد ادويه ايه ممكن تبقا سبب التخن ده بس ميقدرش يبطلها !؟
انتا تعرف عنده اكتئاب ولا بياخد كورتيزون ولا ولا وخمسين الف ولا ممكن اقولهملك!؟
طيب مين قالك ان كل الناس لازم تبقا سنانها هوليود سمايل !؟
مين فهمك ان ده الطبيعي والصح!؟
طيب مين قالك ان كل الرجاله لازم شعرهم يبقو زي شاروخان فا لازم يزرعو يا يركبو باروكه عشان يعجبو حضرتك!؟
يا افندم الممثل مش موديل واللي عمله الامريكان والهنود في السنين الاخيره من تحويل الممثل الي مانيكان وموديل شكلي فقط هو عبث لا علاقه له بالفن والموهبه!
.
هتقولي الصحه والشكل والمش عارف ايه هقولك تمام زي الفل كل واحد ادري بنفسه وظروفه واللي ليك انك تقيمه كا فني وكا افعال وتصريحات مش انك تقعد تهينه وتغلط فيه عشان مقتنع انه تخنان عشان طفس !؟ 
يا اخوانا نص الناس اللي بيتخنو فجااااه مش بسبب الاكل بيبقا بسبب مشاكل صحيه او ادويه فا عيب بقا الناس بجد بقت حاجه صعبه جدا ولازم نفوق لنفسنا في التعامل شويه ونرجع لاخلاقنا لان الغرب والسوشيال ميديا حولو كتير من الناس لشيئ بشع ،،

وكلامي هنا عام للكل مش راندا بس اللي بالمناسبه من الطف الشخصيات اللي ممكن تتعامل معاها  وممثله شاطره علي فكره ومتستحقش التنمر ده كله وعلي فكره راندا تخنها ده من ادويه وتعب برضه عشان بس اللي فاكره من حلل المحشي فا عيب بقا 🤨
#Mr_director