في بيتنا عفريت قصة ړعب حقيقية باللهجة المصرية بقلم منى حارس
انت في الصفحة 2 من صفحتين
وهو أنا كنت خاېفة شوية لأنها المرة الأولى أنام فيها لوحدى في البيت ، اتفرجت على التلفزيون شوية فيلم هندي واتعشت و دخلت نمت الساعه 11 بالليل ، حطيت دماغي على المخده وكنت مش جايلي نوم ، حسيت احساس غريب قوي حسيت إن في حد معايا في الأوضه مش عارفه ليه ، يمكن يكون كان بيتهيالي بس ده كان احساسي إن في حد بيراقبني في الأوضه ، استعذت بالله من الشيطان الرجيم ، وانا بقول مفيش حاجة كل دا وهم ، وغطيت وشي وحطيت المخده على راسي ، وأنا بحاول أنام بس الفكره كانت مسيطره على عقلي ، إن في احد معايا في الاوضه بيراقبني .
أنا مش شايفة حد بس حاسة بكدة ، وكمان متأكدة من دا ، اعدت اقرأ قرآن كتير واستعيذ بالله من الشيطان الرجيم ، قلت هاقوم اشغل اذاعه القران الكريم ، يمكن يكون الوهم عشان لوحدي في الشقة ، نزلت من على السرير وأنا جسمي بيرتعش من الخۏف ، وهنا سمعت صوت غريب زي ما يكون حد بيهمس وبيوش بيعمل كدة بالظبط ” ششششش” ، وكأن حد بيقلي اسكتي أو بيعمل صوت غريب ما كنتش عارفه ايه الصوت ده ، انا خفت بصراحه خفت قوي وكان قلبي هيقف من شدة الخۏف ، قلت يمكن يكون الصوت من عند الجيران ، رحت عشان اشغل الراديو على اذاعه القران الكريم ، بس النور اتقطع النور انطفي مره واحده ، والصوت كان عالي قوي ، وسمعت صوت الدولاب الجرار بيتفتح لوحده في الضلمة ، كان قلبي هيقف من الخۏف والله ، أنا متاكده إن في حد في الاوضه معايا دلوقتي ، استعذت من الشيطان الرجيم ، وقعدت اقرا ايه الكرسي والمعوذتين ، جريت على السرير وشديت البطانيه على وشي بسرعة وغطيت كل جسمي وانا مړعوبه وقلبي بيدق بسرعة ، انا ممكن كان يجيلي سكته قلبيه فعلا بس لولا ستر ربنا وفضلة ، حاولت أنام بس ما قدرتش او معرفتش وعماله اتخيل ان حد هيشد الغطا من فوقي دلوقتي ، حاولت أقرأ واية الكرسي ، كثير قوي ما اعرفش الصراحة اليوم دا عدي ازاي ، والحمد لله لقيت النهار طلع وسمعت أذان الفجر .
اول ما سمعت صوت اذان الفجر حسيت براحه كبيره ، شلت البطانية لقيت النور رجع ، قمت شغلت اذاعة القرآن الكريم وصليت الفجر ، بس الغريب اني لقيت كل الهدوم وقعه على الأرض ، معرفش مين اللي فتح الدولاب ووقع الهدوم دي كلها على الارض وازاي اصلا ومين اللي وقعها كدة وفتح الدولاب ، انا دولابي والهدوم مرصوصة كويس قوي ، انا بصيت للدولاب وسكت ومردتش انطق .
لما قلت لماما وحكيت لهم اللي حصل ، ماما قالت : يمكن يكون كان بيتهيالك ويكون الدولاب كان مش مترتب كويس ، ومكنتش مطبقه وحطه الهدوم غلط ، مش فاهمة بس انا والله العظيم ما كانش بيتهيالي الغسيل ده حد وقعه بس ما اعرفش مين اللي وقعه ، ومين اللي كان معيا بيراقبني في الأوضه من يومها ، وأنا مړعوبه بصراحه أنام لوحدي في الأوضه لأني بسمع أصوات غريبه وبسمعها بالليل بخلي ماما تفضل معيا لغايه ما أنام و أشغل إذاعه القران الكريم وأروح في النوم ، انا ما اقدرش انام لوحدي ما اعرفش ده وهم ، ولا فعلا في حد في الاوضه معيا ودول فعلا عمار المنزل من الجن كنت قريت قبل كدة إن في عمار من الجن في كل بيت وبيستغلوا وجود الانسان لوحده علشان يضايقوه ويخوفوه ، بس انا ما عملتش لهم حاجه ، ولا بحب اقرأ قصص ړعب اصلا ولا اتفرج على افلام ړعب لأني بخاف وجبانه بس ليه يعملوا معايا كدة وأنا مأدخلتش في عالمهم ولا ليا دعوة بيهم ، بس هي دي القصه بتاعتي ومعرفش إيه تفسيرها لغاية انهاردة ، بس مش هنكر إن من بعدها وأنا بحاول أقرأ في الحجات دي يمكن أفهم أنا ليه حصلي كدة يومها .
