قصه رحمه

شتمته لقيت صاحبه دة جايب بودى جارد ومسكونى واخويا يحاول يدافع عنى معرفش يوصلى اصلا اضربت ووقعت فى الشارع واتنقلت المستشفى وابويا وقتها بدء يحس ان فى حاجة غلط فضلت الف حوارات وحكايات علشان ابويا لو عرف صډمته هاتبقا كبيرة ...طلعت من المستشفى وقعدت شهر بالظبط مش عارف حسام فين اقلب الدنيا مش عارف بابا يسالنى اقوله دة عند واحد صاحبه واكدب ... اهملت شغلى .... ونفسى وفضلت ادور فى الاقسام والمستشفيات لغايه ما جالى خبر انهم لقوا حسام مرمى على طريق مصر الصحراوى واخد جرعه زيادة ... وقعتها مش عرفت انطق من ... بابا بقا عرف انه اټوفي ازاى ... وقع جاله جلطه مكملش شهرين وتوفي هو كمان وانا ... انا بقيت وحيد .. انا امى اټوفت واخويا بسبب اهمالى وابويا اټوفي بردوا بسبي اهمالى
رحمه شقهت الله يرحمهم ي رحيم بس كل ده ماله ومال المعلم رحيم تاجر
رحيم كنت عاوز اخد بتاري يا رحمه ... عاوز اشفى غليلى مش قادر ...قعدت افكر وافكر لغايه ما وصلت انه اراقب الواد ماجد وراقبته وعرفت انه بطن الحوت وابن اكبر تاجر فى المنطقه .... مكملتش شهر براقبه لقيت هو كمان بس السبب انه اتصفى بسبب شغل ابوة .... وقتها اتفصلت من
الشغل ومكنتش قادر اقعد فى البيت لقيتنى ببيعه وروحت بطن الحوت وقعدت هناك واشتغلت هناك وفضلت اكبر اكبر لغايه ما بقيت دراع اكرم الحسينى ومبقاش قادر يستغنى عنى ووقتها عرفتهم ان اسمى رحيم الشامى لغايه ما هو وانا مسكت مكانه اول سنه كنت
بشتغل فعلا فى منكرڜ تانى سنه جالى ظابط اسمه عزت واقنعنى ان اساعد دخليه وامدهم بكل حاجة عن تجار ... قعدت تلات سنين اشتغل فى بطن الحوت وداخليه فى ضهرى وهى اللى نشرت عنى كدة ان علشان تجار يطمنولى لغايه ما جيتى انتى فجاه .. انا الصراحه يا رحمه اول مرة افتكرت تبعهم ... بس سالتهم قالوا انك صحيفه ولازم اخلص منك ... ملقتش طريقه ان اتجوزك واتجوزتك مع اعتراضهم الشديد ان دنيا هاتقوم عليا وانهم بيحاولوا بيخففوا الحكم عليا بسبب سنه اللى اشتغلتها بجد وان بجوازى منك هافتح على نفسى ابواب جهنم بس انا بكلامهم عرض الحيطه واتجوزتك
رحمه يعني انت كنت تاجر بس فوقت وساعدت الحكومه
انت مش هربان
انت خلاص ي رحيم سبت الشغل ده خلاص
رحيم وقت ما كنتى جايلى فى السج كنت مستنى حكمى واتحكم عليا بسنه سج مع وقف التنفيذ .. بس يا رحمه هى دى كل حكايه
رحمه طيب ازاي جوازنا كده وكده
رحمه ليه مقولتليش ي رحيم
هو أنا مش مراتك
مش رحمه حبيبتك ليه محكيتليش ليه 
رحيم مينفعش يا رحمه كنتى هاذيكى واذى نفسى ...وبعدين كنتى هاتعملى ايه .. كدة كدة حكايتنا خلصانه يا رحمه
رحمه پخوف ليه ي رحيم انت هتسيبني !
رحيم رحمه حبيبتى ركزى معايا اولا انا كنت تاجر مخډرات واتحكم عليا تقدر تقوليلى هاتقولى لامك ايه طيب افرض اتجوزنا عمرك ما هتنسى رحيم الشامى تاجر مخډرات طيب لو خلففنا طبب منظرك بين الناس .. رحمه انتى تستاهلى حد احسن منى ... انتى حاجة حلوة اوى يا رحمه اوى ... وبعدين انتى مبهورة بالحكايه بس
رحمه بعصبية انت بتحكم عليا علي اساس ايه دخلت قلبي شوفت فيه ايه
أنا ميهمنيش كل ده
ميهمنيش يهمني اني بحبك وبس
رحيم سكت وبص الناحيه التانيه ومش عارف يرد يقول ايه ... الموقف صعب .. هو نفسه يتجوزها وتبقى مراته بجد ويقضى عمرة كلها معاها ... هو حس ان دى رحمه من ربنا على سنين التعب اللى شافها .. بس بردوا خاېف عليها من نظرة المجتمع
رحمه پحده رحيم رد عليا أنا بكلمك
رحيم نعم يا رحمه
رحمه عايز تسيبني
عايز تسيبني وانت عارف اني بحبك
بتحكم ع حبي اني بس مبهورة بالحكايه ي رحيم
رحيم طب قوليلى اعمل ايه ياقلب رحيم ... شوفى انتى عاوزة ايه وانا اعمله
رحمه حطت وشها ف الارض ودموعها غلبتها
بيشكك في حبها ليه وعايز يسيبها
اتكلمت بصوت اللي انت عايزه انت ي رحيم
أنا مش عليك تفضل معايا
رحمه مستقبلي مش هيبقي الا معاك
انت احسن حد شافته
عيوني ي رحيم..
رحيم مسح دموعه بايدة وقرص خدودها وضحك رحيم رحيم رحيم ...بقولك اسمى احمد
رحمه لا انت رحيم حبيبي انا معرفش احمد ده انا معرفش الا رحيم
رحيم ههههه لا اتعودى على احمد علشان لما اجى اتقدم لمامتك يبقا اسمى احمد مش رحيم
رحمه برقت تيجي ايه
تتقدم لماما بجد هتيجي
رحيم اه وربنا يستر وتوافق
رحمه هتوافق ان شاء الله
بس انت هتقولها حكايتك
و كتب الكتاب ده هنعمل فيه ايه
رحيم بصى وانا كنت فى بطن الحوت كنت اشتريت شقه فى اسكندريه وكنت عملت مشروع ياعنى فى اسكندريه ... فتحت كافيه وفوقيه مطعم سمك كبير الحمد لله
مشروع ماشى كويس اوى وعلى فكرة فلوسه حلال من شغلى فى البنك وورثى من ابويا ...مامتك مش هانعرفها حاجة وانا اسمى احمد رحيم الشامى ... اما حكايه كتب كتاب ممكن ظابط عزت يساعدنى يجبلى ماذون صورى ويبقا كله صورى فاهمه
رحمه بابتسامه اه اه فاهمه
هتيجي تتقدم أمتي بقا
تعالي دلوقتي ي رحيم هنضيع وقت ليه
رحمه بصتله بحب طيب تمام يالا بينا بقا
تستمر القصة أدناه
رحيم اخدها وصلها البيت
هي نزلت وهو مشي وقالها أنه هيجي علي الساعه 9
طالعه لبيتها طايره من الساعه فتحت الباب وهي بتدندن لقيت امها ف وشها راجعه رايقه يعني ي ست رحمه
رحمه احم ايه ي ماما مش عاوزاني ابقي رايقه
سوسن لا ي حبيبتي ربنا يروق بالك بس نازله يعني عفاريت الدنيا قدام وشك وراجعه رايقه
احب اطمن عليكي
رحمه جريت علي امها بحب ي ماما بحب وعايزه اتجوزه 
سوسن ده يوم المني لما اشوفك عروسه ي قلب ماما
مين ده
رحمه واحد ي ماما اسمه احمد الشامي من اسكندريه
سوسن
عرفتيه ازاي
رحمه عرفته ف فتره غيابي ف الشغل ي ماما وبحبه اوي 
سوسن يجي في اي وقت اشوفه واتكلم معاه ولو كويس يبقي مبروك ي قلبي
رحمه كويس اوي ي ماما والله هو هيجي الساعه تسعه بالليل
سوسن ده انتي مجهزة كل حاجه بقى
رحمه احم اي ي مامتى
سوسن ضحكت علي بنتها الحلوة المنورة من الفرحه قدامها
رحمه بكسوف أنا هدخل اجهز بقا
جريت من قدام امها وفضلت طول اليوم تطلع في فساتين وتقيس وترمي لغايه ماستقرت علي فستان كاشمير رقيق جدا
لبسته وجهزت وفضلت مستنيه لغايه مالساعه دقت تسعه
رحيم جهز نفسه وعلشان هو بيكره الرسميات لبس تيشرت وبنطلون وحلق دقنه وظبط طول شعره ودة خلى اتغير فى شكله بنسبه كبيرة اوى واخد بوكيه ورد وعلبه شوكلاته ووصل قدام البيت ورن الجرس وفتحتله سوسن ... سوسن قيمته بنظرة ام مصريه اصيله
سوسن جابته من فوق لتحت شكله وسيم جدا بس لسه هتشوف طبعه ايه اتفضل
رحيم دخل سوسن شاورتله علي الصالون وقعدوا فيه
واتكلمت بهدوء تشرب ايه
رحيم قهوة سادة
سوسن ندهت علي رحمه رحمه ي رحمه
رحمه طلعت ع صوت امها شافت رحيم قاعد وشكله متغير خالص حطت وشها ف الارض بكسوف نعم ي ماما
سوسن اعملي ي حبيبتي واحده قهوة سادة وقهوة ليه ي قلبي
رحمه حاضر ي ماما
رحمه راحت تعمل القهوة
ورحيم ساكت مبيتكلمش القهوة وصلت ورحيم برضوا ساكت وسوسن مستغربه سكوته انت ساكت ليه ي ابني
رحيم بارتباك ها .. احم .
اه ... ان.... انا ... بصى حضرتك انا بحب بنتك وعاوز اتجوزها ... انا اسمى احمد الشامى وعندى مطعم سمك وكافيه وعندى شقتى جاهزة وظروفى الحمد
لله كويسه
سوسن اممممم بتحبها من أمتي
رحيم من وقت ما كانت بتعمل شغل فى اسكندريه حبيتها وجيت وراها اتجوزها
سوسن ابتسمت لانها شافت حب لبنتها في عيونه والأهم من ده أن بنتها بتحبه هي كمان وانا موافقه
رحيم بفرحه بجد والله .. حضرتك موافقه .. ياعنى هاتجوزها بجد
سوسن ضحكت ع رحيم وع فرحته امال بهزار ي حبيبي أيوة هتتجوزها بجد
بس خد بالك منها حطها ف عيونك رحمه دي حبيبتي ومليش الا هي حلم عمري اشوفها سعيدة في حياتها
رحيم انا هاشيلها جوة نن عينى .. انا اصلا مش مصدق نفسى ... مټخافيش دى تاج على راسى العمر كله ... وبعدين حضرتك اكيد هاتبقى معانا وتشوفى معاملتى ليها
سوسن هبقي معاكوا ازاي ي حبيبي
رحيم تيجى تعيشى معانا فى اسكندريه
سوسن لا ي حبيبي أنا هفضل هنا في بيتي وبيت بابا رحمه الله يرحمه
رحيم قام من مكانه وقعد جنبها على كنبه ممكن تدينى ايديك
سوسن استغربت واديته ايديها بابتسامه بسيطه
رحيم بحزن انا امى . انا عايش وحيد والوحدة صعبه ما صدقت اشوف رحمتى واحبها وافكر فى جواز منها ... وما صدقت شوفتك وشوفت حبك لرحمه كان زى حب امى ليا انا واخويا ... عاوزة تحرمينى من الحنيه دى .. انا طمعان فيكى
سوسن بصتله بحزن وحب ي حبيبي خلاص أنا موافقه
رحمه كانت سامعه كلامهم دخلت فجأه عليهم اه قلبي ماما اخد ايديها وبتقولها طمعان فيكي
قلبي وربي غضبانين عليكوا ليوم الاتنين
رحيم ههههه مالكيش فيه ..خلاص كسبتها فى صفى
رحمه بصت لمامتها بتكشيره حق ي ماما كسبك مني
سوسن ضحكت هي كمان اه كسبني ي رورو معلش بقا
رحمه راحت قعدت في اخر الصالون وكشرت
سوسن قوم ي ابني هاتها شوف عملت ازاي اي الاطفال دي
رحيم بصلها بمكر تعالى يا رحمه احسن ما اقوملك ... وانتى عارفه لو قومت هاعمل ايه
رحمه برقت پغضب مش جايه ومتجيش ناحيتي خليك ف حدن ماما انت مش كسبتها
رحيم قام وراحلها وهمس بصوت واطى جدا واقسم بالله اتهور قدام امك .. انا اصلا مش مستحمل الفستان اللى انتى لابسه قومى يلا
رحمه اتكسفت وقامت راحت جنب امها
سوسن اخذت ايديها وحبتها ده انتي اللي ف قلب ماما ي حبيبتي البكاش ده ميقدرش ياخد مكانك
ها تحبوا الفرح أمتي
رحمه لا
ي ماما أنا مش عايزه فرح
سوسن ليه يا بنتي
رحمه بتوتر كده ي ماما مش عايزه
رحيم بص لسوسن احم ممكن يا ماما كوبايه قهوة تانى اصل قهوة رحمه وحشه .
سوسن فهمت انه عاوز ينفرد برحمه لوحدهم من عنيا
سوسن قامت تعمل القهوة ورحيم اتحرك
جنب رحمه 
رحيم بهمس روح رحيم مش عاوزة فرح ليه 
رحمه رحيم
مش عايزه مش عايزه حد يعرفك مش مثلا مكسوفه منك بس مش عايزه حد يقول عليك حاجه لو شافك أو يقول لماما حاجه وتلغي الفرح مش عايزه فرح أنا عايزاك انت بس
رحيم وطى راسه وسكت
رحمه رحيم انت زعلت أنا اسفه والله
مش هتسحمل المره دي ممكن اروح فيها..
رحيم بهدوء بعد الشړ عليكى .. مټخافيش على فكرة ظابط عزت خفي ملف بتاعى من داخليه وكلها سنه ويتمسح نهائى دة
حاجة تانى حاجة احنا فرحنا فى اسكندريه هاعملهولك على البحر ..تالت حاجة انا احمد الشامى يا رحمه ... رحيم الشامى انتهى
وبعدين معظم
التجار كانوا يعرفونى بالحوت اسمه مكنش دارج اوى بينهم ...مټخافيش ياقلب رحيم
رحمه يعني هنعمل فرح ومحدش يعرفك
رحيم انتى ...انتى طالعه من الاوضه شكلى هو هو ولا اتغيرت
رحمه اتغير جدا
للاحلي
رحيم انتى اللى احلى وربنا
سوسن دخلت عليهم ها لسه مش عايزه فرح ولا اقنعتها ي احمد
رحيم اقنعتها .. بعد اذنك عايكون فى اسكندريه وعلى البحر ويكون اخر الاسبوع
سوسن ايه ي ابني علي مهلك
ف اسبوع ده هجهز ايه 
لسه رحمه عايزه حاجات كتير
رحيم ولا اى حاجة انا اصلا عاوزاها كدة وبعدين انا مبقتش عاوز حاجة تبعدها عنى ... لو سمحتى وافقى
سوسن بس ي ابني مينفعش
رحيم رحمه قولى لمامتك انك موافقه
رحمه ماما أنا موافقه وافقي انتي بقا
سوسن حاضر ي حبيبتي أنا موافقه
سوسن ربنا يفرحكوا ي حبيبي
الايام طارت وجه يوم الفرح رحيم ورحمه محدش فيهم نام من الفرحه
كل شويه رحيم يكلمها في التليفون أو يبعتلها رساله بحبك
رحيم عملها فرح ولا في الاحلام فرح يليق بيها برحمته
بعدين اخدها علي بيته
دخلت وفضلت مبهورة بجماله
رحيم جه وراها اكلك منين يابطه اكلك منين
رحمه ضحكت تاكلني اي ي رحيم
هو أنا عشا
رحيم بمكر دة انتى غدا وعشا وفطار وتحليه ... والله انا خاېف عليكى منى ... انتى بسكوتايه وممكن تتكسرى
رحمه بدلع أنا بسكوتايه ي رحيمي
رحمه كانت لسه هاتتكلم هششش مسعمش صوتك بقى .. انهاردة فعل ومفيش مجال للكلام ..وسكتت سندريلا واستسلمت لاميرها .
بعد مرور سنتين
رحمه رحيم ي رحيم
البنت دى اخدتك مني اوي
رحيم قاعد على الارض وماسك بنته المكلبظه.
رحيم بيهمس لسما امك غيرانه منك .. علشان مزة ولا علشان خدودك ولا ايه بس
رحمه بشړ مين دي اللي ي رحيم
رحيم حط سما تلعب غلى الارض وقام فرد نفسه على كنبه براحتك وانا كنت مجهز ليكوا خروجه تمام
رحمه عيونها لمعت ايه ده خلاص ي حبيبي سما مزة هنخرج فين
رحيم مبقولش من غير مقابل وانتى عارفه كدة كويس
رحيم وحش من غير نفس .. عاوز بنفس يا رحومى
رحيم كان نفسى اقولك لا .. بس انتى ثانيه هخلصي عليا ..يالا ياقلب رحيم قومى البسى ولبسى سما ... واظبطى طرحتك كويس شعرك ميبنش
رحمه ضحكه وافتكرت رحيم لما طلب منها تلبس الحجاب وهي معترضتش
قامت لبست فستان ابيض وطرحه سماوي ولبست سما هوت شورت جينز وتي شيرت ابيض وطلعت لرحيم خلصنا
رحيم. مزز يا اخواتى البت وامها ...بحبكوا انتو الاتنين
سما همهمت بكلام غير مفهوم بس بتضحك رحمه باستها واحنا كمان بنحبك اوي ي احلي بابا رحيم في الدنيا
رحيم اخدهم ونزلوا
واول موصلوا رحمه ايه ده ي رحيم
رحيم بابتسامه واسعه ايه ياقلب رحيم ايه رايك
رحمه حماده بابكورت يا رحيم
رحيم احسن واحد بيعمل ممبار وكرشه وكوارع .... لا بجد تحفه ...يالا تعالى
رحيم قعدها ورحمه تبص حواليها وحست انها هاترجع و رحيم طلب اكل ..وقاعد بياكل بمزاج.
رحيم ماتاكلى يارحمه ... طب اكلى سما بتريل على الاكل حبيبه ابوها نفسها تدوق
رحيم باستفزاز بس انا ليا ثم انتى حرمتينى منه من وقت ما اتجوزنا.. الله يجحمها فوزيه كانت بتعمله ليا
هي راحت فين صحيح ي رحيم
رحيم سفرتها الصعيد لاهلها .... المهم سيبك من فوزيه
... بالمناسبه كدة وانا متبهدل .. عاوز اقولك حاجة 
رحمه قول
رحيم بحبك يا رحمتى بحبك اوى ... اوى ... انا اسعد واحد فى الدنيا علشان اتجوزتك ...ربنا كفائنى بيكى يا رحمه وكانت مكافئه حلوة اوى .
رحمه ابتسمتله وانا كمان بحبك
بحبك اوي ي حوت
متخيلش ابدا اني ممكن احب الحوت رحيم الشامي بس حبيته وبصمت بالعشره كمان
رحمه الكيوته بتاعت الفن حبت
حوت
بطن الحوت
احلي حوت في الدنيا كلها
توته توته وخلصت الحدوته حدوته رحمه الرقيقه مع رحيم الحوت