رواية تمرد عاشقة للكاتبة ياسمين الهجرسي

الخضوع لعشقه
بس أنا تعبت مبقتش قادرة أستحمل اللي أنت بتعمله أنا هقولك لآخر مرة أنا عمري ما هخونك زيها عارف ليه 
عشان أنا عمري ما شفت راجل في الدنيا غيرك ولو مكنتش أتجوزتك أنا كنت هفضل أحبك وعايشة بس عشان أحافظ على حب عمري وعلى حبك في قلبي لآخر نفس ليا في الدنيا.
ونظرت إليه نظرة ألم ورجاء وعشق وڠضب وخذلان دموعها متحجرة في عينيها فقد كانت نظراتها تحارب بعضها لكي ترسل له مجموعة مشاعر مختلطة توصف ما بداخلها وتكلمت برجاء وعيونها تترجاه بأمل
بلاش تحول الحب ده لكره أنا قربت أكره كل انفعلاتك كل يوم غضبك يسيطر على كل تصرفاتك لدرجة أوقات بحس إنك هتمد إيدك عليا أنا عارفة إن كل ده ڠصب عنك بس أنا عمري ما هخونك عشان أنت بتجري في دمي.
ثم أكملت كلامها بۏجع وحسرة وهي تحرك رأسها بعلامة رفض قاطع له
أنت مش عمير اللي كان بيسابق ضلي عشان أفضل عايشة في ضله حتى لما اتجوزت أميرة وبعدت عني قفلت قلبي وعقلي وحياتي عليك ووعدت ربي لأكون ليك يا هحرم الرجالة كلهم عليا.
وضمت شفتيها في حركة يأسة ساخرة بائسة من القدر الذي يلعب معها لعبة الحرمان من جديد بس هذه المرة الخسارة هي قلبها وقالت
بس أنت قاصد تهد حياتنا مع بعض صدقني لو استمرت بالشكل ده إحنا هنخسر بعض.
وأطالت النظر في عيونه لقراءة ما يدور في عقله إثر وقع كلامتها عليه وازدادت دموعها وأكملت
أنا وصلت لمرحلة في عشقك بقيت مش قادرة أبعد عنك وفي الوقت نفسه خاېفة أستمر معاك أكرهك وأنا المۏت عندي أهون مليون مرة من اللحظة دي.
تقدمت منه وأمسكت كفه بحنان لتشعره بمدى احتياجها إليه فانهمرت دموعها وابتلعت ريقها بصعوبة
ولما طلبت منك تهدم السور اللي بيفصل القصرين عن بعضهم لما مامي سيدة تعبت ودخلت المستشفى وكانت هتروح مننا وإن صحتها متحسنتش إلا لما الأولاد كانوا بيزوروها باستمرار وأنت
فضلت جمبها لحد ما ربنا شفاها وبعدها كنت بشوفك وأنت پتتعذب في بعدك عنها وحرمانك منها حفظت كرامتك قدام العيلة وقلتلهم إني أنا اللي أمرت تهد السور عشان يبقى سهلة على الأولاد تدخل وتخرج بأمان.
وربتت على كفه بحنان عاشقة أضناها البعاد نظرت إليه وهي تحدث نفسها
لا تؤلم قلبي فقلبي لم يفعل شيئا سوى أنه أسكنك بداخله.
وأكلمت حديثها
طول عمري بسندك وعمري ما خذلتك وأنت كنت بتخذلني باستمرار مرة عشان ترضي جدك ومرة عشان بتتقي الله في مراتك وكلها حجج ملهاش معنى.
واستقامت وابتعدت عنه حاولت السيطرة على دموعها ودقات قلبها والدوران الذي بدا يسيطر عليها
أنا كنت آخر واحدة بتفكر فيها عشان بس ضامن حبي لك بس للأسف معدش عندي طاقة عشان أفضل أدافع عن حبي أنت السبب في كل اللي بيحصل في حياتنا لأنك مصمم تحملني أخطاءها عارف
أنا عمري ما كنت أتمنى إن أقولك الكلام ده بس أنت اللي اضطرتني أقوله.
ورفعت سبابتها في وجهه تحسه على الانتباه لها
آخر كلمة هقولهاك أنا مش أميرة بس أتأكد يوم ما هزهق منك هطلب الطلاق لكن مش هخونك أنا أقوى من إني أخون ومفيش راجل خلقه ربنا في الكون يستاهل إني أغضب ربنا عشانه أنا استحملتك كتير وأنت مقدرتش صبرى عليك ولا تحملي لكل تصرفاتك وضغوطك عليا وللأسف طاقتي خلصت ومش هقدر أستحمل بعد كدة لآخر مرة بقولك بلاش تهد حياتنا لأن ساعتها أنت
اللي هتندم أنا عارفة هعمل إيه في حياتى هفتح شركة باسمي وهبني كياني الاقتصادى زي ما بنيتك يعني ميلزمنيش راجل في حياتي أنت لازم ساعتها تعرف هتعمل إيه لأن هيبقى خروجي من حياتك بلا رجعة.
يتبع.........